INTRODUCTORY WORDS

Wen artis, crews, and musicians who ova di years mek di ting dem call “sub-culture” or “underground” (doh dem nah guh call it dat) com togedda as one, it mus be a wicked experience. At di BASSart Festival 2009 dem did ave ova 130 BASSactivists an more dan 2000 visitas pass thru. Wi Deh Ya ! DJs, MCs, Musicians, Performin Artis and Street Artis – autodidact and professionals. A nuh “sub-culture” a di real ting – “urban up-culture”. Wi tear dung di place, celebratin di linkage thru music, art, an different runnins.

Ina di same way, weh movemens such as skateboarding, graffiti, breakdancing, hip-hop and Djing did bring a new an wicked vibe to the entertainment scene ova di las 20 years a suh BASSart waan bruck out di ting, wid a focus pon skills. Weh wi capable aff? Weh wi do bes? Wi tek it to di city limits an bus thru di gate. A dis BASSart fi a offa di people, promote an inspire suh every artist can mek it, no matta di art form.

BASSart 2010 – “Deh ya fi yu”.

(Translated by Keisha La Beach & Vernon Boothe, Kingston, Jamaica - THANK YOU VERY MUCH!)